ВЫШЛА В СВЕТ НОВАЯ КНИГНА!

8 МАРТ – РӮЗИ БАЙНАЛМИЛАЛИИ ЗАНОН!

8 МАРТ – РӮЗИ БАЙНАЛМИЛАЛИИ ЗАНОН! 

      Имрӯз дар Институти гуманитарии ба номи академик Баҳодур Искандарови АМИТ чорабинии бошукӯҳ бахшида ба Рӯзи байналмилалии занон – 8 март баргузор гардид! 
     Дар ин рӯз, бо камоли эҳтиром ва самимияти беандоза, бонувони гиромии мо – олимон, кормандон ва ҳамкорон бо туҳфаҳои хотиравӣ ва суханони гарму пурмуҳаббати роҳбарият қадрдонӣ шуданд.
     Роҳбарияти институт аз нақши бузурги занон дар ҷомеа, илм, маориф ва рушди фарҳанг ёдовар шуда, зикр гардид, ки бонувон илҳомбахши ҳаёт ва асоси тарбия ва пешрафти насли наврасанд. 
     Бонувони гиромӣ! Шумо сарчашмаи меҳрубонӣ ва ҳикмат ҳастед! Мо бо шумо ифтихор мекунем ва қадрдони заҳматҳои шабонарӯзии шумо ҳастем. Бигзор дар дилҳоятон ҳамеша меҳру муҳаббат, дар зиндагиатон файзу баракат ва дар корҳоятон муваффақият ҳамсафар бошад!
      Рӯзи байналмилалии занон муборак бод! 

ҚАДРДОНӢ БА МУНОСИБАТИ РӮЗИ МОДАРОН!

      Ҳайати олимони Институти илмҳои гуманитарӣ бо самимияту хушнудии беандоза бонуи хушзеҳну донишманд муовини директор оид ба илм ва таълим, номзади илмҳои филологӣ, муҳаққиқи забонҳои помирӣ Некушоева Шаҳло Саиднуриддиноваро ба хотири он ки имрӯз аз ҷониби Раиси Вилояти Мухтори Кӯҳистони Бадахшон муҳтарам Мирзонабот Алишер Худобердӣ ба муносибати Рӯзи модарон қадрдонӣ гардид, табрик мекунем. Ин таваҷҷуҳи сазовори шахсияте ҳаст, ки дар соҳаи забоншиносӣ фаъолияти пурсамар ва саҳми ӯ дар рушди илми тоҷик сазовору шоистаи эътироф ва қадр мебошад. Некушоева Шаҳло дар тӯли солҳои зиёд вазифаи пурмасъули муовини директор оид ба илм ва таълими яке аз муассисаҳои илмии бонуфузи вилоят – Институти илмҳои гуманитарии ба номи академик Б. Искандаровро иҷро намуда, дар баробари ин бо фаъолияти илмии худ дар соҳаи забоншиносӣ, бо қобилияти баланди эҷодӣ доштан, бо маҳорати забондонӣ ва дигар сифатҳои арзандаи хоси пажуҳишгар дар ҷомеа мавқеи устуворро касб карда, дар арсаи илм ҷойгоҳи назаррас дорад. Корҳои таҳқиқотии ӯ на танҳо як ҷузъи фаъолияти касбиаш маҳсуб меёбанд, балки бо натиҷаҳои пурмаҳсули илмӣ дар рушду маъмулгардонӣ ва муаррифии илми тоҷик саҳми арзанда мегузорад.

      Барои мо ҳамкоронаш ин як фурсате ҳаст, ки бори дигар ба ифтихори Рӯзи модарон ва барои қадрдонӣ гардиданаш аз тарафи Раиси вилоят муҳтарам Мирзонабот Алишер Худобердӣ Шаҳло Некушоеваро табрик кунем ва таманно мекунем, ки дар ҳамаи самтҳои зиндагии хеш муваффақ бошад ва бо неруву суръати баланд фаъолияти пурсамару пурифтихорашонро идома бахшанд.

САФАРИ ХИЗМАТИИ КОРМАНДОНИ ИИГ АМИТ БА ВОДИИ ЯЗГУЛОМИ НОҲИЯИ ВАНҶ

САФАРИ ХИЗМАТИИ КОРМАНДОНИ ИИГ АМИТ БА ВОДИИ ЯЗГУЛОМИ НОҲИЯИ ВАНҶ 

Дар доираи иҷрои Нақшаи чорабиниҳои ташвиқотию тағриботии МИҲД ва ИИГ АМИТ кормандони шуъбаи таърих, бостоншиносӣ ва мардумшиносии ИИГ Ниёзбеков Д. Т. – мудири шуъбаи мазкур, н.и.ф. ва ходими калони илмӣ, н.и.т. Шоинбеков А.А. дар ҳайати гуруҳи кории МИҲД ВМКБ дар давоми санаҳои 24-25-уми феврали соли 2025 барои гузаронидани силсилаи чорабиниҳои фаҳмондадиҳӣ ва тарғиботӣ ба ҷамоатҳои деҳоти Язгуломи ноҳияи Ванҷ сафар карда, бо сокинони маҳалии деҳаҳои Жамаг ва Будуни водии Язгулом мулоқотҳои судманд баргузор намуданд. Дар ин вохӯриҳо сокинони маҳаллӣ, раисони маҳалла, омӯзгорони мактабҳо ва раиси ҷамоати деҳоти Язгулом ширкат варзиданд. Дар мулоқотҳои баргузоргардида асосан се масъалаи муҳим мавриди баррасӣ ва муҳокима қарор гирифтанд:

1. Баррасии Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон«Дар бораи самтҳои асосии сиёсати дохилӣ ва хориҷии ҷумҳурӣ»: Дар ин самт асосан “ Нақши Пешвои миллат дар рушди соҳаи маориф”, “Нақши Ҳукумати Ҷумҳурии Тоҷикистон ва мақомоти ҳукумати ВМКБ дар рушди маориф ва вазифаҳои он”, “Ҳуқуқ ба зиндагии шоиста” суҳбатҳо гузаронида шуда, маърузаҳои илмӣ-оммавӣ баррасӣ гардиданд. Ҳамчунин дар вохӯриҳо директори ТМ деҳаи Жамаг Назаршозода Пайшанбе оиди сиёсати пешгирифтаи Пешвои миллат суханронӣ намуд.
2. Масъалаи интихобот: иштироки фаъолонаи сокинони маҳаллӣ дар интихобот, овоз додан ба вакилони арзанда. Дар ин масъала бахусус қайд карда шуд, ки Раиси ВМКБ муҳтарам Мирзонабот Алишер Худобердӣ номзадии худро аз ҳавзаи интихоботии №30 пешниҳод намудааст ва мақсаду мароми асосии номзад аз он иборат аст, ки дар оянда авзои иқтисодӣ-иҷтимоӣ ва фарҳангии ин диёри зебоманзарро баланд бардошта, сатҳи зиндагии сокинони онро тавассути марҳилаи нави ободонӣ ва эҳёкорӣ баланд бардорад.
3. Муаррифии ИИГ ва пайдо намудани робитаи қавии ходимони илмии ИИГ бо сокинони водии Язгулом: дар ин самт ходимони илмии Институт, дар бораи самтҳои фаъолияти Институт ба иштироккунандагон маълумоти муфассал дода, ба муаллимони ҷавон муроҷиат намуданд, ки онҳо метавонанд дар магистратураи Институт таҳсил намуда, ба корҳои илмӣ-тадқиқотӣ машғул шаванд. Ҳамчунин хотиррасон карда шуд, ки имрӯзҳо таваҷҷуҳи тамоми роҳбарияти Ҷумҳурӣ ба ин водии дилкаш нигаронида шудааст ва қарзи ҳар як волидайн ин аст, ки аз он истифода баранд, яъне ба фарзандони худ мамоният накарда, баръакс, мусоидат намоянд то онҳо дар Донишгоҳҳои ҷумҳурӣ ва берун аз он таҳсил намуда, ҳамчун мутахассис ба зодгоҳашон баргашта, онро дучанд обод намоянд.

Дар масъалаи гирифтани садди роҳи хурофот, ба иштирокчиён таклифҳо пешкаш карда шуданд, то онҳо ба омӯзиши забони маҳаллӣ, таърихи маҳал шуғл варзида, дар ҷашн гирифтани ҷашнҳои суннатӣ – тақвимӣ ва давлатӣ мусоидат намоянд.

Вохӯриҳо дар як фазои ҳамдигарфаҳмӣ гузаштанд ва мо умедворем, ки натиҷаҳои худро дар ояндаи наздик нишон хоҳанд дод.