Баргузории семинари илмии “Арзишҳои миллӣ, махсусият ва самтҳои он” дар Институти имлҳои гуманитарии ба номи академик Б.Искандарови АМИТ

Дар маҷлисгоҳи ИИГ семинари илмӣ таҳти унвони “Арзишҳои миллӣ, махсусият ва самтҳои он” бо иштироки тамоми кормандони илмӣ, магистрантон ва докторантони PhD-и ИИГ баргузор гардид. Иштирокдорони семинари илмӣ оиди мафҳуми “арзиши миллӣ” махусусиятҳо ва дигар омилҳои вобаста ба онро дида баромада, мубодилаи афкор намуданд. Матни пурраи яке аз гузоришҳои илмии дар семинари мазкур баррасигардидаи ходимии илмии шуъбаи тадқиқоти иҷтимоиёт ва иқтисодиёти Бадахшони ИИГ Ҳақназар Имомназар бо унвони “Арзишҳои миллӣ ва замон” дар сомонаи Институт ва сафҳаи фейсбук пахш гардид.

Дар Институти илмҳои гуманитарии ба номи академик Б.Искандарови АМИТ конференсияи ҷумҳуриявии илмию амалӣ дар мавзӯи “Тағйир ёфтани бозори меҳнат дар шароити иқтисоди рақамӣ” баргузор гардид

Тибқи нақшаи кории Институти  илмҳои гуманитарии ба номи Б. Искандарови АМИТ, дар таърихи 26 майи соли 2023, дар толори Институт бо иштироки намояндагони мақомотҳо иҷроияи ҳокимияти давлатии  ВМКБ, МИМҲД  шаҳри Хоруғ, Донишгоҳи давлатии Хоруғ ба номи М. Назаршоев, докторантон, магистрон, кормандони соҳаҳои гуногуни  хоҷагии халқ ва донишҷӯён конференсияи ҷумҳуриявии илмию амалӣ дар мавзӯи “Тағйир ёфтани бозори меҳнат дар шароити иқтисоди рақамӣ” баргузор гардид.

Конференсияро бо сухани ифтитоҳӣ Директори Институти  илмҳои гуманитарии ба номи Б. Искандарови АМИТ, доктори илмҳои филологӣ Қаландариён Ҳ.С. оғоз намуд. Дар конференсия  аз ҷониби олимон ва коршиносони  соҳа масъалаҳои зайл баррасӣ шуданд:

1. Равандҳои муҳоҷират ҳамчун мушкилоти замони муосир: ҷанбаҳои мусбат ва манфӣ барои иқтисодиёти ВМКБ, н.и.и., муовини директор оид ба илм ва таълими Институти илмҳои гуманитарии ба номи Б. Искандарови АМИТ, Шоидарвозова М.С. 
2. Нақши стратегияи миллии рушди Ҷумҳурии Тоҷикистон дар татбиқи иқтисоди рақамӣ дар минтақа, н.и.и., ходими калони илмии Институти  илмҳои гуманитарии ба номи Б. Искандарови АМИТ Ғоибназарзода С.М.
3. Иқтисоди рақамӣ ва таъсири он ба касбҳои оянда, ходими илмии Институти илмҳои гуманитарии ба номи Б. Искандарови АМИТ Сабоиева Ҷ.С.
4. Шуғли ғайрирасмӣ дар бозори меҳнати ВМКБ, докторант PhD Ғуломшоева С.О.
5. Нақши маркетинги рақамӣ дар тиҷорати хурд ва миёна, докторант PhD Мирзоева М.

Шуъбаи тадқиқоти иҷтимоиёту иқтисодиёти Бадахшони ИИГ АМИТ  

Табрикот

Имрӯз яке аз шахсиятҳои беҳтарин, олими варзида, адабиётшиноси шинохта, суханвари мумтоз, роҳбари беҳтарин, доктори илмҳои филологӣ, директори Институти илмҳои гуманитарии ба номи академик Б. Искандарови АМИТ Қаландариён Ҳоким Сафар рӯзи мавлуд доранд. Аҳли кормандони Институти илмҳои гуманитарӣ Қаландариён Ҳоким Сафарро ба муносибати ҷашни фархундаи мавлудашон сидқан табрик намуда, барояш танисиҳат, хонаи обод, толеи баланд, хушбахтии ҷовидонаро таманно менамоянд.

Хушо, хуршеди умрат ҷовидон бошад,

Сари болои ту то Каҳкашон бошад.

Сиёсати “дарҳои кушод”- и Ҷумҳурии Тоҷикистон бо Ҷумҳурии Халқии Чин

Дар давоми даврони истиқлолияти Ҷумҳурии Тоҷикистон, яке аз масъалаҳои асосии сиёсати берунии Тоҷикистонро татбиқи принсипҳои ҳамкории минтақавӣ ва хамзистии осоиштаи давлатҳо ташкил медод, ки онро мо ҳамчун сиёсати “дарҳои кушод”  - ҳамкории мутақобилан судманд бо ҳамаи давлатҳо амалисозӣ менамоем. Дар ин масир Тоҷикистон стратегияи сохтмони роҳҳоро  ҳамчун омили беҳтар кардани ҳамкории байнидавлатӣ  мавриди амал татбиқ карда истодааст ва мавқеи асосиро дар ин самт мунорсибатҳои давлати Тоҷикистон бо Ҷумҳурии Халқии Чин ишғол мекунад.

  Сохтмони шоҳроҳи бузург ва замонавии Кӯлоб–Қалъаи Хумб ва Қулма–Қароқурум, Тоҷикистонро бо Шоҳроҳи Абрешим Тоҷикистонро бо Ҷумҳурии Халқии Чин пайваст намуд.  Инкишофи ҳамаҷонибаи муносибатҳои дустона ва мутақобилан манфиатбахш бо Ҷумҳурии Халқии Чин яке  аз самтҳои афзалиятноки сиёсати хориҷии Ҷумҳурии Тоҷикистон ба ҳисоб меравад. Хитой дар шумори аввалинҳо кишварҳост, ки истиқлолияти Ҷумҳурии Тоҷикистонро  ба расмият шинохта бо ҷумҳурии мо муносибатҳои дипломатиро барқарор намуд. Имрӯз Ҷумҳурии Тоҷикистон ва Ҷумҳурии Халқии Чин пеш аз ҳама ҳамсояи наздик, дӯст ва шарики  боэътимод мебошанд. Ҳамкории мутақобилан судманди ду давлат, ки бар пояи усулҳои ҳамзистии осоишта асос ёфтааст, устуворона ва пайгирона ба манфиати ҳар ду давлат ва миллат инкишоф меёбад.

    Маҳз ҳамкориҳои дутарафа имкон  доданд, ки сохтмони шоҳроҳи Мурғоб-Қулма-Қароқурум сохта шуда,  Тоҷикистонро бо Чин, Покистон, Эрон, Ҳинд ва бандарҳои калонтарини ҷаҳонӣ пайваст намояд.

Президенти Ҷумҳурии Тоҷикистон Эмомалӣ Раҳмон ба саволҳои хабаригорони воситаи ахбори Ҷумҳурии Халқии Чин 22 майи соли 2006 оид ба аҳамияти бузурги ин роҳи мошинагарди байналмиллалӣ барои Ҷумҳурии Тоҷикистон посух гуфта, зикр кард: «Сохтмони роҳи Душанбе-Хоруғ–Кошқар тавассути ағбаи Кулма ба ифтитоҳи гузаргоҳи марзӣ  дар июли соли 2004 анъанаи «Роҳи Абрешим»-ро эҳё менамояд. Шарқу Ғарбро мепайвандад ва аҳамияти на фақат иқтисодӣ, балки сиёсӣ хоҳад дошт. Орзуи деринаи халқи тоҷик дӯстӣ ва ҳамкорӣ бо ҳамсоя бузурги худ амалӣ гардид. Фаъолияти роҳи автомобилӣ ба инкишофи минтақавӣ мусоидат намуд. Тоҷикистон ва кишварҳои ҳамҷавори он имконияти амалӣ пайдо намуданд, ки нафақат ба бозорҳои Чин, балки Покистон, Ҳинд, Осиёи Ҷанубӣ-Шарқӣ ва бандарҳои уқёнуси ҷаҳон роҳ ёбанд».

  Дар давоми сафари кории худ ба Ҷумҳурии Халқии Чин рӯзҳои 18-19 майи соли 2023 Президенти Ҷумҳурии Тоҷикистон, Пешвои миллат Эмомалӣ Раҳмон дар доираи саммити “Чин – Осиёи Марказӣ” бо роҳбари ин давлат Си Зин Пин вохурӣ намуда, тарафҳо бори дигар мавқеи худро доир ба хамкории ҳамаҷониба, дар самти иқтисодӣ ва сохтмони минбаъдаи муносибатҳои дустонаи байни давлатҳо изҳор намуданд, ки ин бевосита барои беҳбудии халқҳои ин ду давлат мусоидат хоҳад кард.

Ю.Саидасанов  номзади илмҳои таърих, ходими калони илмии шуъбаи таърих, бостоншиносӣ ва мардумшиносии Институти илмҳои гуманитарии ба номи академик Б.Искандарови АМИТ

акс: https://vecherka.tj/archives/55152